Höfundur
Höfundur er Brynja Stefánsdóttir, náttúrufræðikennari og verkefnastjóri Gárur á Reykjanesi, brynja@geocamp.is
Markmið
Að nemendur kynnist lífverum og lífvana hlutum í fjörum og tengi þannig hugtakið vistkerfi við einn stað.
Aldurshópar
Verkefnið hentar nemendum frá 4 ára upp í 7. bekk grunnskóla.
Tímalengd
80 mínútur
Staðsetning
Gára 2-3 eftir staðsetningu skóla. Svæðið er frjálst að öðru leiti nema að það er sett upp fyrir fjörusvæði.
Undirbúningur kennara
Gott er að kennari hafi með sér nokkra vel valda hluti í bakpokanum og mælum við með tjékklistanum af síðunni sem inniheldur gagnlegar hugmyndir af staðalbúnaði sem gæti hentað.
Kennari þarf að huga að veðri og passa að leiðin að fjöru henti námshópi.
Gott er að prenta út fjörubingóið og vera búin að velja hópa eða einstaklingsverkefni.
Fyrir eldri hópa getur hentað að vera búin að fjalla um fjöru sem vistkerfi og þá innleiða hugtökin lifandi og lífvana.
Fyrir alla getur verið gott að vera búin að fara yfir það sem er á bingóinu og tengja myndir við allt, en alls ekki eitthvað sem verður að vera búið að gera.
Þetta verkefni hentar einnig þegar veður er millt og gott og hópurinn þarf að komast út í hreyfingu.
Verkefnið
Hægt er að sækja verkefnið hér.
Hæfniviðmið
Hér eru dæmi af hæfniviðmiðum sem möguleiki væri að tengja við verkefni.
Náttúruvísindi
| Við lok 4. bekkjar | |
| Upplifun af náttúrunni | sagt frá eigin upplifun af lífverum í náttúrulegu umhverfi, |
| Flokkun og lífsskilyrði lífvera | rætt um helstu einkenni lífvera og lífsskilyrði þeirra, |
| Vistkerfi | nefnt dæmi um samspil lífvera og lífvana þátta, |